Несцерава Святлана Аляксандраўна
нарадзілася ў 1964 г. Мае вышэйшую адукацыю. Скончыла Кіеўскі дзяржаўны педагагічны інстытут замежных моў у 1988 годзе. Педагагічны стаж - 23 годы. Мае вышэйшую кваліфікацыйную катэгорыю.
Педагагічнае крэда: “Што можа быць сумленней і высакародней, як навучыць іншых таму, што сам ведаеш найлепшым чынам”.
Асноўная мэта педагагічнай дзейнасці, лічыць Святлана Аляксандраўна, у тым, каб дапамагчы вучням здабыць веды ў розных сферах жыцця праз замежную мову, развіваць свой светапогляд.
У сваёй рабоце яна выкарыстоўвае сучасныя педагагічныя тэхналогіі: праектную, камунікатыўную, інтэрактыўную, якія дазваляюць праз індывідуальны творчы падыход у выкладанні прадмета развіць ў вучняў іншамоўнае маўленне, праявіць свае творчыя здольнасці, зацікаўленасць да прадмета.
Галоўнае на ўроку, лічыць Святлана Аляксандраўна, - работа вучня: яго ўменне самастойна здабываць веды, бачыць свае недахопы і памылкі, а ў сумесным пошуке з настаўнікам вучань знаходзіць шляхі выпраўлення сваіх прабелаў. Такія ўрокі праходзяць захапляльна і прадуктыўна.
Шмат увагі Святлана Аляксандраўна ўдзяляе рабоце з адоранымі вучнямі. Яе вучні неаднаразова былі пераможцамі раённых алімпіяд, навукова-практычных канферэнцый.
Святлана Аляксандраўна чалавек актыўнай жыццёвай пазіцыі. На працягу некалькіх год з’яўляецца кіраўніком метадычнага аб’яднання класных кіраўнікоў. Дзеліцца сваім педагагічным вопытам на педагагічных саветах і пасяджэннях МА. У 2013/2014 н.г. абагульніла вопыт работы па тэме “ Гульня як сродак павышэння матывацыі на ІІ ступені навучання”.